الجمعة، 29 أبريل، 2011

يا جماعة، كل شيء ببدأ وبخلص بسبب الموسيقى.

ألجوريتم الحب والموسيقى:

1. بتحب وحدة عشان لحن.
2. بتحب اللحن عشان هالوحدة.
3. بتكره وحدة ثانية عشان اللحن.
4. بتكره الوحدة فبتكره اللحن.
5. بتحب وحدة جديدة عشان لحن جديد. (إرجع للمرحلة 2).

* استعملت أحاسيس مبالغ بها كالحب والكراهية عشان أوصل الفكرة
* عشان هيك يا عزيزي القارئ حاول ما تخلطش بين الحب والموسيقى، لإنه ساعتها الحب رح يخلص بالموسيقى، ورح تصير الموسيقى - اللي المفروض إنها إشي حلو - تذكّرك بإشياء حلوة - بس بشعة لإنها بصيغة الماضي من وراء زجاج باص تلقائي.
* مش عارف ليش ال إم بي 3 اللي بالجملة السابقة نقّالك بالذات هالأكام أغنية، صدفة ولا إنت حابب تباعص بحالك ؟
* مع كل اللي انكتب رح توصل لمرحلة 5، ورح تحبلك وحدة جديدة علشان شي لحن جديد، ورح ترجع تطلع بشي باص تلقائي وتباعص بحالك كمان مرة.



هاي موسيقى :)
Share/Bookmark

ليست هناك تعليقات:

إرسال تعليق